Malipayong gipaambit sa Assistant Vice President sa Bombo Radyo Philippines Foundation Inc. nga si Warren French ang iyang nasaksihan nga panaghiusa sa mga Sugbanon.
Gawas sa mga Pilipino kay adunay mga langyaw nga misalmot usab sa a little pain…a life to gain! Dugong Bombo 2025.
Matud ni AVP French nga sukad gisugdan ang bloodletting activity sa Bombo Radyo Philippines Foundation kay nakita ang kamahinungdanon ug kaepektibo niini sa pagtabang sa mga tawo nga nagkinahanglan og dugo sulod sa duha na ka dekada sukad kini gisugdan kaniadtong 2003 sa Iloilo City.
Nadayeg niini ang hugot nga suporta sa matag usa nga bisan paman sa mga bag-ohay nga miigong katalagman kay wala kini nahimong babag aron ipadayon ug nakatala pa og 240 ka indibidwal nga malampusong nakadonar og dugo ug gawas pa kini sa mga wala makalusot sa screening.
Ingon man ang pagpasiugda sa mga kaamguhan kalabot sa bili nga makuha sa pagdonar og dugo.
