CEBU CITY- Mipadayag sa ilang ang Independent Commission for Infrastructure bahin sa dakong kadaot sa mga flood control projects sa pipila ka mga lokalidad sa Cebu, nga matud pa ang mga kapakyasan mahimong naggikan sa dili organisadong pagplano, wala pagsunod sa master plan sa gobyerno, ug posible nga substandard implementation.
Human sa pag-inspeksyon sa mga nadaot nga istruktura sa Cebu City, Mandaue City, Talisa City, Liloan, ug Compostela, Mibutyag si ICI special adviser and investigator Rodolfo Azurin Jr. nga sagad sa mga flood mitigation project, grabe gayud ang nasinati nga kadaot.
Gikuwestiyon usab ni Azurin kung covered ba sa insurance ang mga flood mitigating projects na nakasinati ug grabeng kadaot gumikan sa kalamidad nga nakakalas og pipila ka mga kinabuhi.
Ang gihisgutan ni Azurin ang ₱149-milyon nga proyekto nga anaa nahimutang sa boundary sa lungsod sa Liloan ug Compostela, nga matud pa gihatag sa usa ka joint venture nga naglambigit sa Alpha & Omega General Contractor & Development Corporation, usa ka kompanya nga gipanag-iya sa kontrobersyal nga magtiayon nga Discaya.
Gihimug-atan usab ni Azurin, nga dapat gisunod sa Department of Public Works and Highways ang master plan gumikan kay sila ang nagkupot sa master plan sa pagtukod niini og ipahibawo sa mga nagkadaiyang region o districts hinungdan nga gikuwestiyon sa ICI kug nganung wala gisunod ang plano.
Samtang, sigon usab sa opisyal nga namugna ang master plan sa panahon ni Kanhi Presidente Benigno “Noynoy” Aquino III ug gisugdan pagpa-implementar niadtong 2017, apan nausab ang plano niini human sa administrasyong aquino.
