Pormal nga misang-at ng Office of the Ombudsman ang unang kaso niini sa Sandiganbayan nga may kalabotan sa anomalosong mga proyekto sa flood control.
Human sa duha ka bulan nga imbestigasyon, pagkolekta og ebidensya, ug mga testimonya, gipahibalo karon sa Ombudsman ang resolusyon niini nga magpasaka og mga kasong kriminal batok sa pipila ka mga indibidwal nga nalambigit sa kontrobersiya.
Sumala ni Assistant Ombudsman Mico Clavano, nagpasaka sila og mga kasong kriminal batok sa kanhi Ako Bicol Party-list Rep. Zaldy Co, pipila ka mga opisyal sa Department of Public Works and Highways sa Region IV-B (MIMAROPA), ug bisan ang board of directors sa Sunwest Corporation.
Ilabi na, ang mga kaso nga gisang-at sa Sandiganbayan mao ang Malversation of Public Funds through Falsification of Public Documents, usa ka paglapas sa Section 3e sa Republic Act 3019 o ang Anti-Graft and Corrupt Practices Act.
Samtang, usa ka lahi ug dugang nga kaso ang gisang-at batok kang Zaldy Co tungod sa paglapas sa Section 3(b) sa RA 3019 tungod sa pagdawat og ‘unwarranted financial’ o ‘pecuniary benefits.’
Ang kaso may kalabutan sa proyekto sa flood control sa pagtukod sa Road Dike sa Mag-Asawang Tubig River sa Naujan, Oriental Mindoro.
Subay niini, gipaambit ni Assistant Ombudsman Clavano ang rekomendasyon sa Panel of Ombudsman prosecutors nga dili hatagan og piyansa ang kanhi Ako Bicol Bicol Party-list Rep. Zaldy Co.
