Mireklamo na ang mga residente ug mga negosyante sa dalan Colon, Leon Kilat, Barangay Pahina Central Cebu City, gumikan sa kalangay sa serbisyo sa Visayan Electric Company, Inc.
Gumikan kay hangtod karon, wala pa mahibalik ang suplay sa kuryente sa nahisgutang lugar og matud pa sa mga reklamante apektado na ang ilang Negosyo gumikan kay nagkinahanglan kini og kuryente.
Personal nga mireklamo si Mansawi Hadjurasul, sa istasyon sa Bombo Radyo Cebu og mibutyag nga gawas sa ilang negosyo, apektado na usab ang pagtulog sa ilang pamilya.
Gikuwestiyon usab sa reklamante ang kalangay sa serbisyo sa maong kompanya, hinungdan nga nanawagan usab kini nga unta mahibalik na ang suplay sa kuryente, aron makabawi na sila sa ilang puhonan nga nawagtang pipila ka semana gumikan kay walay kuryente.
