Misaka sa kapin 1,000% ang natalang kinatibuk-ang katigayunan ni Bise Presidente Sara Duterte-Carpio sumala sa report sa 2024 Statement of Assets, Liabilities, and Net Worth (SALN) niini.
Sumala pa sa maong SALN, sa nakalabayng 17 ka tuig nga karera sa Bise Presidente sa politika, adunay P7.25-milyones kini pag 2007 dayon miambak sa P88.5-milyones pag 2024 nga nagpakita sa pagsaka sa 1,120.78%.
Gani sa nakalabayng tuig, gitaho niini nga ang iyang gipanag-iyang real estate properties kay mibalor sa P31-65-milyones, iyang liabilities sa P9.95-milyones nga loans gikan sa mga nagkadaiyang creditors ug bangko.
Nagsugod ang karera sa politika ni Sara niadtong 2007 diin iyang net worth kay anaa lang sa P7.25-milyones.
Adunay kini gitaho nga mga gipanag-iya nga mga lote, building, ug condominium unit sa Davao City ug Quezon City.
Kaniadtong napili na kini isip ikaduhang presidente sa Pilipinas, si Duterte anaa nay P71.05-milyones nga bahandi pag 2022.
Ang real estate properties niini lakip na ang nakapangalan sa iyang bana nga si Mans Carpio ug sa ilang mga anak kay nagbalor sa P50.95-milyones.
