Malampuson ang milabayng pagsaulog sa kapistahan sa Nuestra Señora Birhen de Regla sa Lapu-Lapu City human sa pagdeploy sa kapin 800 ka mga sakop sa kapulisan aron masiguro ang seguridad sa mga deboto ug bisita.
Sumala ni PCol. Antonietto Cañete, OIC sa Lapu-Lapu City Police Office, nalampusang natuman sa kapulisan ang ilang tumong sa pagmintinar sa kahapsay sa tibuok kalihokan, diin wala matalaang major incidents.
Gidugang niini, nga “very peaceful” ang selebrasyon, usa ka sangputanan sa ilahang maayo nga pagbantay ug koordinasyon sa LCPO, hinungdan nga gikalipay niya kini kay mao usab kini ang buot ug tumong sa ilahang pagdumala.
Gawas niini, padayon usab nga gimentinar sa LCPO ang kalinaw ug kahapsay sa siyudad samtang gihingusgan ang ilang kampanya batok sa iligal nga droga, aron masiguro ang malinawon ug luwas nga komunidad bisan human sa dagkong relihiyosong kalihokan.
Sa pikas bahin, angay usab nga hinomdoman ang nahimong mabulokong presensya ni Cebu Archbishop Abet Uy, kinsa mao ang nangulo sa Misa sa Nuestra Señora Birhen de Regla, gani adunay liboan ka mga deboto ang nitambong sa kapistahan.
Gani sa Homily ni Archbishop Uy, nitandog gayud kini sa komunidad sa mga Oponganon ingun man sa nga dumudu-aw sa maong syudad, human kini nga miawhag sa tanan nga magtipig og kaayo sa ilang mga kasingkasing, nga nagpahinumdom kanila sa ilang pagkatawo isip mga anak sa Balaang Inahan sa Dios.
