Giawhag sa Cebu City Health Department, ang mga residente sa Dakbayan sa Sugbo, nga nakasinati og pagbaha subay sa grabeng uwan nga gidala ni Tropical Verbena, nga mobisita sa City Health Department, aron nga malikay sa leptospirosis.
Mipadayag usab ang City Health sa ilang kabalaka bahin sa padayon nga pagsaka sa mga kaso sa leptospirosis karong tuiga, hinungdan nga gipahimangnoan nila ang publiko nga likayan ang pagtamak sa baha tungod kay nagpadayon ang pag-ulbo sa mga impeksyon, pipila ka semana nga kusog usab nga ulan sa Bagyong Tino,
Gikumpirma usab ni Dr. Daisy Villa, pangulo sa Cebu City Health Department (CCHD), nga ang siyudad nakatala og 93 ka kaso sa leptospirosis gikan sa Enero hangtod Oktubre 28, 2025, diin 17 niini ang natalang nakabsan sa kinabuhi.
Taliwa sa taas nga ihap sa mga kaso, namatikdan ni Villa nga ang sitwasyon sa Cebu City nagpabilin nga ubos sa alert level ug wala mograbe ngadto sa usa ka epidemya.
Giawhag ni Villa ang mga residente nga isipon ang tanang tubig-baha nga posibleng kontaminado ug likayan ang paglubog niini kung mahimo.
Gitambagan usab niya ang mga residente nga mangayo dayon og medikal nga tabang kung makasinati sila og hilanat, sakit sa tiyan, sakit sa ulo, pula nga mga mata, padayon nga pagsuka, o uban pang mga sintomas nga sama sa trangkaso, subay sa pagpahimangno nga ang kalangan sa medical nga atensyon usa ka risgong lakang.
