Gihagit ni Kamanggagawa Party-list Representative Elijah San Fernando si Department of Trade and Industry (DTI) Secretary Cristina Roque sa “P500 Noche Buena Challenge” aron pamatud-an nga ang maong kantidad kung igo na para sa usa ka simpleng noche buena.
Sa usa ka video post nga gipaambit sa magbabalaod, iyang gihagit ang chef sa DTI nga buhaton ang maong hagit kon siya mituo ug mibarog sa kamatuoran nga ang singko centavos kay igo na para sa usa ka noche buena.
Gitanyagan usab sa kongresista ang kalihim nga mopili og lugar o merkado nga adtoan ug mouban siya kaniya.
Giinsistir sa magbabalaod nga ang pahayag sa kalihim usa ka insulto sa matag trabahante ug ordinaryong Pilipino. Miingon siya nga samtang tinuod nga ang noche buena dili kinahanglan nga maluho, nangutana si San Fernando kon unsa ang mapalit nga singko centavos para sa usa ka simple ug desente nga Noche Buena para sa usa ka pamilya?
Giingon ni San Fernando nga ang pamahayag sa DTI nakadaot pa sa pagsalig sa publiko ilabi na sa panahon nga ang mga pamilya gibati ang palas-anon sa taas nga presyo sa mga palaliton, wala mouswag nga sweldo ug kawalay kasiguroan nga gipahinabo sa iskandalo sa anomalya sa flood control.
Sa sayo pa, gipadayon ni Sec. Roque nga ang P500 igo na para sa noche buena karong umaabot nga Pasko. Apan, giklaro sa kalihim nga kini nagdepende gihapon sa gidaghanon sa mga miyembro sa pamilya ug sa pagkaon nga andamon. Gipasabot sa opisyal nga adunay mga pakete ug bundle nga mabaligya sa merkado aron makadaginot ug nga ang price freeze gipatuman sa mga batakang ug pangunang palaliton hangtod sa Enero 2026, busa walay pagtaas sa maong mga produkto.
