Gilauman sa Philippine Health Insurance Corporation-Central Visayas nga makasumiter na ang mga nagkadaiyang tambalanan alang sa mga benepisyaryo nga nabiktima sa Leptospirosis.
Matud ni Dr. Reginald Mangubat, ang head benefits administration sa Philhealth- Central Visayas, nga nanghinaot ang buhatan nga makasumiter na ang mga nagkadaiyang tambalan alang sa mga nabiktima sa nahisgutang sakit.
Sigon Mangubat, nga aduna nay nabayaran nga mga leptospirosis claims gikan sa buhatan sa Philhealth karong tuiga, diin sa buwan sa Nobyembre, aduna nay 24 ka mga claims sa kaso sa leptospirosis ang nabayaran na sa buhatan gikan sa Nobyembre 1, hangtod na sa Nobyembre 30.
Gilauman usab sa buhatan nga magpadayun og sumiter ang mga tambalanan sa buwan sa Disyembre hangtud sa buwan sa Enero, gumikan kay gihatagan lang og 60-ka adlaw alang sa pagsumiter niini gikan sa pagka discharge sa mga pasyente.
Kahinumdoman, nga nakatala na og 175 ka mga kaso sa leptospirosis sa mga tambalanan ubos sa Probinsya sa Sugbo
