Nanguna si Paris Olympian Aleah Finnegan sa women’s artistic gymnastics sa Thammasat University sa Pathum Thani sa Bangkok aron makuha ang iyang unang bulawang medalya sa ika-33 nga SEA Games.
Kini human nakakuha siya og score nga 13.433, diin gipildi niya si Thi Quynh Nhu Nguyen sa Vietnam (13.400) ug si Kang Xian Yeap sa Malaysia (12.966).
Matud sa 22-anyos nga daghan ang nahitabo usa niini nakuha ang bulawang medalya nga labi ka espesyal alang kaniya hilabi na nga nakulbaan kini sa dihang nakita sa screen ang sayop nga score.
Gidugang pa sa American-born Filipina nga nagpaabot pa kini og 30 minutos sa wala pa gitul-id sa mga hurado ang sayop ug opisyal nga gikumpirmar nga siya ang gold medalist.
Ingon man nga masaligon ang presidente sa Gymnastics Association of the Philippines nga si Cynthia Carrion nga wala gayud siya magduhaduha sa resulta ug sa dihang nahuman si Aleah sa iyang vault kay nasayod na kini nga siya ang makalangkat sa bulawan.
