Hugot nga nagtuo ang Department of the Interior and Local Government (DILG) nga ang kanhi Department of Public Works and Highways (DPWH) Undersecretary Catalina Cabral unang nagpahigayon og surveillance sa lugar sa wala pa siya moambak sa lalom nga bung-aw sa Tuba, Benguet.
Sumala ni DILG Secretary Jonvic Remulla, gipahunong una ni Cabral ang drayber sa lugar sa wala pa siya mipadayon sa Baguio City ug mibalik sa lugar.
Gidugang niini, nga nakita ni Cabral nga grabe ang kadaot kung mahulog kini sa lugar diin kung diin, susama kini sa usa ka 10-ka-andana nga building.
Sa wala pa ang insidente, una na usab sila nga gibadlong sa usa ka pulis tungod kay gidili ang pag-parking sa lugar, mao nga mibiya sila.
Kahinumduman nga si Cabral mi-resign sa iyang pwesto niadtong Septyembre human sa imbestigasyon sa kongreso sa giingong mga anomaliya sa pagpondo sa mga proyekto sa pagkontrol sa baha, lakip na ang mga akusasyon nga ang mga magbabalaod ug daghang mga opisyal sa gobyerno nakadawat og kickback.
