Dili katapusan sa grasya ug kaluoy sa Diyos, kondili usa ka pahinumdom nga ang kalooy nga atong nadawat kinahanglan na usab natong ipaambit sa uban ning pagtak-op sa Jubilee Year 2025./
Kini ang pagpasabot ni Cebu Archbishop Alberto “Abet” Uy nga ang pagtak-op sa Jubilee Year 2025 kay ang dakong kalooy sa Diyos abli alang sa tanan—walay pili, walay gilain.
Giablihan ang Sagrado nga Pultahan o Holy Door sa Roma, ug usab gi-deklarar ang mga Jubilee Churches sa lain-laing mga Diyosesis ug Archdioceses sa tibuok kalibutan, lakip na sa Sugbo.
Gihatagan usab niini og katin-awan nga ang pagsira sa Holy Door dili pasabot nga mohunong na ang grasya o mawala ang paglaum sa mga magtutuo.
Bisan pa man sa opisyal nga pagtak-op sa Jubilee, gihatagan og gibug-aton sa Arsobispo nga ang kalooy sa aDiyos magpadayon pinaagi sa katawhan.
Ingon man nga gi-awhag ni Archbishop Uy ang tanang Katoliko nga ipadayon ang espiritu sa Jubilee Year pinaagi sa pagpasaylo, pagtabang, ug paghigugma sa isigkatawo, ilabi na sa mga kabus ug nanginahanglan.
