Gipadayag ni Pope Leo XIV ang iyang lawom nga kabalaka mahitungod sa nagkadaghang mga panagbangi sa tibuok kalibutan ug ang nagkahuyang nga gahom sa mga internasyonal nga organisasyon o “multilateral institutions,” atol sa panagtagbo uban sa mga diplomat nga akreditado sa Holy See.
Matod sa Amerikanong Santo Papa, usa sa labing gikabalak-an sa tibuok kalibutan mao ang kahuyang sa multilateralismo.
Iyang gipasidaan nga ang diplomasya nga nagpasiugda og panag-istoryahay ug nagtinguha og panaghiusa sa tanan, hinay-hinay nang gipulihan sa diplomasya nga naggamit og kusog o pwersa sa pipila ka indibidwal ug grupo sa mga kaalyado, ug gidugang niya nga nauso na usab ang gubat ug nagkagrabe na ang kainit sa panagbingkil.
Gipasabot usab sa Santo Papa nga ang prinsipyo nga natukod human sa world war 2, nga nagdili sa mga nasod sa paggamit og pwersa aron lang malapas ang utlanan sa uban.
Matod niya, ang kalinaw wala na pangitaa isip usa ka gasa o kaayohan, kondili gitinguha na kini pinaagi sa paggamit og armas aron lang mapakita ang gahom ug paghari sa uban.
Gihimug-atan usab niya nga kining maong dagan sa kasamtangan usa ka seryosong nagpameligro sa pagpatigbabaw sa balaod (rule of law), nga mao untay pundasyon sa malinawong pagpuyo sa matag nasod.
