Nag-isyu og warrant of arrest ang Regional Trial Court sa Sta. Cruz, Laguna batok sa negosyanteng si Charlie “Atong” Ang ug 17 pa ka kaubanan niini tungod sa kidnapping with homicide nga may koneksyon sa missing sabungeros.
Ang kaso giisip nga usa ka non-bailable offense, busa walay piyansa nga gitakda ang korte.
Sumala sa mando, adunay igong probable cause aron imando ang pag-aresto sa mga akusado.
Gimandoan usab sa korte ang pulis nga mogamit og body-worn cameras ug recording devices sa pag-serve sa warrant aron masiguro ang transparency sa proseso.
Ang kaso may kalabutan sa pagkawala ug kamatayon sa pipila ka mga sabungero nga nahimong dakong isyu sa nasud.
Tungod niini, ang proseso sa pag-aresto ug pagbista sa mga akusado gilauman nga bantayan pag-ayo.
Wala pa’y gihatag nga pahayag ang kampo ni Ang bahin niining bag-ong kalamboan.
