Laoman ugmang adlawa, Enero 17 ang mga temporaryong pagsira sa pipila ka dalan sa Dakbayan sa Sugbo, subay sa nagpadayong kalihokan sa 461st Fiesta Señor.
Adunay duha ka mga road closure ang ipahamtang, ug una na niini sa pier diin ang dalan Legazpi, MJ Cuenco, ug porsyon sa Osmeña Blvrd hangtud sa Lapu-Lapu, kasamtangan isira sugod alas 5:00 sa buntag, alang sa mubong prosesyon human sa Fluvial Procession.
Busa, sa gikabutyag ni Raquel Arce, ang pangu sa Cebu City Transportation Office (CCTO) nga laoman nga ang mga enforcer sa CCTO nga ipakatap sa manukad sa intesection kung diin sirad-an ang dalan.
Giklaro usab ni Arce nga ugmang adlawa, wala silay ipahigayon nga clamping operation, apan adunay towing operation, hinungdan nga ang ang mga hingtungdan sa mga sakyanan angay mag matngon kay ang City Ordinance 801, walay gilibkas.
Samtang, sugdan usab sa alas 10:00 sa buntag ang road closure alang sa solemn procession.
