Nakaandam na ang mga sakop sa kapulisan karong adlawa, sa gipahigayong Fluvial og Solemn foot procession aron usab bantayan ang seguridad sa maong aktibidad hilabi na nga daghan ang mosalmot.
Matud ni Police Regional Director, Redrico A. Maranan, nga nakaandam na ang mga sakop sa kapulisan uban ang mga pipila ka mga unit usab sama sa Philippine Coast Guard, Armed Forces of the Philippines og pipila ka mga volunteer.
Ipakatap ang 2,000 ka mga sakop sa kapulisan sa pipila ka bahin sa Dakbayan sa Sugbo hilabi na usab nga aduna pay ipahigayon nga Solemn foot procession sa hapon, target niini nga walay mga kakulian nga masugatan sa aktibidad.
Gibawal usab ang mga armas sa tanang dapit sa susamang adlaw hangtod na sa Enero 31, 2026 aron usab sa pagbantay sa kaluwasan sa mga mosalmot usab sa ASEAN Summit nga ipahigayon sa katapusang adlaw sa kasamtangang buwan.
Sa pikas bahin, nakaandam na usab ang sakop sa mga kapulisan nga ipang-deploy sa Probinsya sa Bohol sa umaabot usab nga ASEAN Summit og naka-augment na ang pipila ka mga pulis sa umaabot nga mga adlaw.
