Ipatuman sa kagamhanan sa Dakbayan sa Sugbo ang Anti Noise Ordinance, aron kunhoran ang mga kaso sa reklamo sa kasaba hilabi na sa mga nagtrabaho sa work from home set-up.
Matud ni Cebu City Vice-Mayor Tomas Osmeña, nga nagkataas ang reklamo sa pipila ka mga residente nga sabaan sa ilang mga silingan kon adunay mga okasyon gumikan sa karaoke nga maabtan og lawom nga gabie.
Sigon ni Osmeña, gibana-banang adunay 100,000 ka mga work from home employee ang posibleng maapektohan ang panginabuhian, gumikan lamang sa mga susamang insidente.
Dugang sa Bise Mayor, gawas nga adunay mga masakiton, og mga trabahante daghan usab nga mga tinun-an ang dili ka tarong og pagtoun gumikan sa kasaba sa palibot, hinungdan nga napuno ang pang-publikong mga library.
Gihimug-atan usab sa opisyal, nga bout niining tabangan ang kagamhanan sa Dakbayan sa Sugbo, nga mapatuman ang mismong lakang taliwala sa mga posibleng pagpangdaot sa uban.
Nakaaghat sa pagpatuman sa maong ordinansa sa Dakbayan mao ang nakalabay nga mga dagkong kalihokan, sama sa fiesta og Sinulog og sa umaabot nga Barangay og Sangguniang Kabataan Elections.
Kusganon usab nga mirekomendar si Osmeña, nga magpahigayon kini og public hearing og target niini ang counterpart funds sa mga nagkadaiyang security personnel diin makamulta ang sagad niini og 500 pesos sa mga kalapasan.
