Gitinguha nga tuldukan na sa tanang Partido sa nasod nga sakop sa gisugyot nga Code of Conduct (COC) sa marginal sea sa Kasadpang Kadagatang Pasipiko ang negosasyon sa gilalisan nga katubigan sa nagpadayon nga ASEAN 2026 nga gipahigayon sa Dakbayan sa Sugbo.
Kini ang gipahayag ni ASEAN 2026 Spokesperson Dominic Xavier “Dax” Imperial atol sa usa ka press conference nga gipahigayon sa International Media Center sa Dakbayan sa Mandaue, Cebu niadtong Martes, Enero 27.
Sumala sa opisyal, confidential ang mahitabong meeting sa mga nasod gumikan nalambigit kini sa nahisgutang negosasyon nga nagsugod niadtong 2023 apan karong tuiga ilang target nga tapuson na kini.
Tungod kay confidential man ang nahisgutang miting, Wala gibutyag ang lokasyon, oras, ug posibleng mga resulta apan ang mga estado nga miyembro sa ASEAN ug China siguradong motambong.
Ingon man nga nagtumong sa pagtabang sa diskusyon sa panaglalis nga teritoryal partikular na ang Pilipinas diin adunay bahin sa kadagatan, ilabina ang West PH Sea, ubos sa blessing sa 2016 Arbitral Award sa nasod.
Dugang niini nga ang Pilipinas isip tsirman sa ASEAN 2026 malipayong misuporta sa mga negosasyon aron mapadayon ang termino sa diskusyon ubos sa mga giya nga gikasabutan niadtong 2023.
Mahinumduman nga sa 2023, ang mga Ministro sa Langyaw sa ASEAN ug China miuyon nga mosagop sa Guidelines on Accelerating the Early Conclusion of the Code of Conduct ug tapuson kini sulod sa tulo ka tuig.
