GIkatakdang magtukod sa ilang dedicated weekly service desk ang buhatan sa Land Transportation Franchising and Regulatory Board – Central Visayas (LTFRB-7) ngadto sa Kagamhanang Lalawigan sa Bohol sugod sa umaabot Pebrero 6, 2026.
Kini ang gianunsyo ni Bohol Provincial Governor Erico “Aris” Aumentado sa pahibalo sa gipaduol nga serbisyo sa LTFRB-7 sa ilang lalawigan sa pakigtambayayong sa bag-ong OIC Regional Director nga si Eugenio Ibo Jr. kinsa miasumir sa pwesto niadtong Disyembre 2025 isip hulip ni Eduardo Montealto Jr.
Kun diin dili na kinahanglan mutabok sa opisina sa Sugbo ang mga Bol-anong adunay transaksyon sa buhatan.
Sumala pa niini nga ang LTFRB-7 weekly service desk kay abli matag adlawng Biyernes gikan sa alas 8 sa buntag hangtod alas 5 sa hapon sa Bohol Provincial Capitol.
Matod niini nga ang pagpaduol sa serbisyo sa LTFRB-7 sa mga Bol-anon kay makapasayon sa ilang mga transaksyon may kalabutang sa pampublikong transportasyon sa lalawigan.
