Magsugod sa Pebrero 2 ang unang hearing sa impeachment bid batok kang Presidente Ferdinand Marcos Jr., sumala sa usa ka notice of meeting nga gipagawas sa Committee on Justice sa House of Representatives.
Ang maong notice, nga gipetsahan Enero 28, nagpakita nga gipahibalo na sa komite ang mga nagreklamo nga ipahigayon ang unang husay sa Pebrero 2 sa People’s Center, ang building sulod sa Batasang Pambansa complex nga kaniadto nahimong lugar sa mga hearing sa quad committee.
Kabahin sa agenda ang inisyal nga pagkonsiderar sa duha ka napamatud-an nga reklamo: ang unang reklamo nga gisang-at ni Atty.Andre de Jesus ug gi-endorso ni Pusong Pinoy Party-list Rep. Jernie Jett Nisay, ug ang ikaduhang reklamo gikan sa Makabayan Coalition, nga gi-endorso nila ACT Teachers Party-list Rep. Antonio Tinio,Gabriela Party-list Rep. Sarah Elago, ug Kabataan Party-list Rep. Renee Co.
Ang kopya sa notice nga gipaambit gi-address kang Rep. Elago ug gipirmahan sa chairperson sa Committee on Justice, si Batangas Rep. Gerville Luistro.
