Mokabat sa 48 ka mga barko sa China ang nakit-an sa nagkadaiyang bahin sa West Philippine Sea (WPS) sa miaging semana, matod sa Philippine Navy.
Kini mas ubos kon itandi sa miaging numero sa 55 nga mga barko, apan wala maglakip sa mga barko sa Chinese maritime militia.
Midaghan ang presensya sa mga barko sa pipila ka lugar sa Bajo de Masinloc nga adunay 21 ka barko, ingon man sa Ayungin Shoal nga adunay 12 ka barko, Escoda Shoal (8 ka barko), ug sa Pagasa Island (7 ka barko sa China).
Sa pagkakaron, padayon gihapon ang taas ang tensyon sa rehiyon tungod kay giangkon sa China ang kadaghanan nga gilalisan nga dagat, diin kapin sa $3 trilyon nga kantidad sa mga butang ang moagi matag tuig.
Apan, bisan paman niana kay padayon gihapon ang Pilipinas sa pagpalig-on sa iyang soberanya pinaagi sa pagtawag sa maong dagat isip WPS, nunot sa desisyon sa Permanent Court of Arbitration niadtong 2016 diin pabor sa Pilipinas.
