Gikumpirmar sa Rajshahi Division, Bangladesh ang natala nga usa ka kaso sa impeksyon sa Nipah virus.
Sumala sa International Health Regulations National Focal Point, ang pasyente gihilantan niadtong Enero ug gikumpirmar nga nataptan pinaagi sa mga laboratory test pipila ka adlaw ang milabay.
Basi sa imbestigasyon, wala siyay history sa pagbiyahe apan nakakaon og hilaw nga date palm, usa ka komon nga tinubdan sa impeksyon.
Sumala sa Ministry of Health and Family Welfare sa Bangladesh, ang 35 ka mga tawo nga nakakontak sa pasyente kay nagnegatibo hinuon sa Nipah virus human sila hugot nga gimonitor.
Nailhan ang Bangladesh nga adunay gagmay nga mga outbreak sa Nipah virus, kasagaran gikan sa Disyembre hangtod Abril, dungan sa pag-ani ug pagkonsumo sa date palm sap.
Busa, ang gobyerno nagpatuman og mga lakang sa panglawas aron mapugngan ang pagkaylap sa sakit, lakip ang intensive surveillance ug impormasyon sa publiko.
Sa pagkakaron, giisip sa World Health Organization nga ubos ang risgo sa Nipah virus sa nasyonal, regional ug global level, ingon man nga ubos usab ang risgo sa posibilidad nga mokaylap kini sa ubang mga nasud.
