Gipasalig ni House Justice Committee chairperson ug Batangas Rep. Gerville Luistro nga mamahimo pang ipasaka ang dugang nga mga reklamo sa impeachment batok kang VP Sara Duterte.
Kini samtang ang plenaryo sa House wala pa makasumiter sa duha ka reklamo sa impeachment sa iyang komite.
Sa dihang gipangutana si Luistro bahin sa laing bag-ong reklamo batok kang VP Sara nga posibleng ipasaka sa Lunes (Pebrero 9), pipila ka adlaw human gisumiter sa House Secretary General ang duha ka reklamo sa Office of the Speaker of the House.
Gipasabot sa magbabalaod nga basta wala pa masumiter ang mga reklamo sa iyang komite, madawat gihapon sa House ang mga reklamo, tungod kay wala pa magsugod ang usa ka tuig nga prohibition period.
Ingon man nga ang proseso sa pagsugod makompleto kung ang Plenary mo-refer sa impeachment complaint ngadto sa Justice Committee ug ang pagdili magsugod sa samang adlaw.
Ubos sa House Rules, ang Office of the Speaker adunay napulo ka session days aron ilakip ang reklamo sa Order of Business.
Kung kini mahitabo, ang reklamo kinahanglan nga hingpit nga i-endorsi sa Justice panel sulod sa tulo ka session days.
Samtang, wala gisalikway sa magbabalaod ang posibilidad nga labaw sa 1/3 sa mga miyembro sa House ang mosuporta sa laing reklamo, nga magtugot niini nga mas paspas nga mopadayon, sama sa nahitabo sa reklamo niadtong 2025 batok kang VP Sara.
