CICC, nagpasidaan sa publiko bahin sa nagpakaaron-ingnon nga kawani sa ‘EGOV PH’; biktima nawad-an og P100,000

Nagpagawas og pasidaan sa publiko ang Cybercrime Investigation and Coordinating Center kabahin sa pipila ka mga tawo nga nagpakaaron-ingnon nga mga empleyado sa gobyerno aron mabiktima sila.

Sa usa ka dinalian nga pasidaan nga gi-isyu sa ahensya, nagpasidaan kini sa publiko bahin sa usa ka spoofing scheme o modus operandi nga nagtumong sa mga tiggamit sa eGov PH mobile application.

Ang alerto nagsunod sa usa ka report diin ang usa ka biktima gikawatan o nawad-an ug 100,000 pesos nga kwarta.

Basi sa impormasyon, ang mangingilad nagpakaaron-ingnon nga usa ka empleyado sa gobyerno ug nakigkontak sa biktima aron kuno mapamatud-an ang mga rekord sa National ID.