Gihimug-atan ni Commodre Jay Tarriela, ang Philippine Coast Guard Spokesperson for the West Philippine Sea, nga mahinungdanon ang pagpakatap og kaalam sa publiko hilabi na sa hisgutanan sa mga panghitabo sa West Philippine Sea, kini gumikan kay ang mga hagit niini usa ka “intergenerational” diin dili dayun diha-diha matapos.
Sigon ni Tarriela, nga importante ang pagpakatap og kahibalo sa publiko hilabi na sa mga kabatan-onan, aron nga masabtan niini ang mga rason kung nganung padayun nga nakigbatok ang Pilipinas niini batok sa Chinese Government.
Dugang pa niini nga kung mapakyas ang kagamhanan sa pagpahibalo sa publiko, mawagtang ang bili sa pagpakigbatok sa mga Pilipino sa WPS.
Gibutyag usab ni Tarriela nga wala na mahisakop sa PCG ang mandato sa pagpakig-isturya o ingun man pagpasabot sa Chinese Embassy ang mitumaw nga isyu sa pasangil nga pagpahigayon og “smearing campaign” batok sa Chinese Government sa dihang mikatap ang hulagway ni Tarriela nga adunay “Carricature” sa dagway ni Chinese Prime Minister Xi Jin Ping.
Giinsister usab niini nga kinahanglang barugan sa Pilipinas ang katungod niini WPS gumikan kay ang pagpakigbatok niini daw nagsimbolo sa identidad isip usa ka Pilipino, ug usa kini ka matang nga kabilin gikan sa mga Bayani.
Hinungdan nga obligasyon sa matag Pilipino nga i-mentinar ang integridad sa kaugalingong maritime nation og kinahanglang dili mo hunong ang publiko sa pagbarog sa katungod niini.
Nanghinaot usab si Tarriela nga sa umaabot nga panahon motuman ang Chinese Government sa nakalatid sa Internatinal law, diin ang Pilipinas ang adunay katungod sa manag-iya sa WPS pinaagi sa deklarasyon niadtong 2016 Arbitral Rulling sa United Nations Convention on the Law of the Sea (UNCLOS.
