PROVINCE OF CEBU- “Such Hypocrisy!”
Mao kini ang pamulong nga gibuhian ni Cebu Provincial Governor Pamela “Pam” Baricuatro batok kang Vice Governor Glenn Anthony Soco atol sa iyang pakighinabi sa mga sakop sa tigbalita kagahapong adlawa sa Miyerkules, Maroso 11, 2026.
Wala nakapugong ug unang nakapakita sa iyang kasuko sa publiko si Gov. Baricuatro sa iyang pagtubag kabahin sa pasangil sa bise gobernadora sa pag-kwestiyon niini sa sugyot nga compromised settlement sa utang sa buhis tali sa kumpanyang Apo Land and Quarry Corporation (ALQC).
Sumala pa sa gobernadora nga hypokrito ra si Soco ug ang iyang konsyensya kay tin-aw kay walay backdoor negotiations ang nahitabo. Gani gitandi pa kini niya sa kanhi administrasyon ni former Governor Gwendolyn Garcia nga aduna sab susamang kompromiso nga gibuhat nga ang balaudnon niini kay gipangamahan pa ni Soco niadtong sakop pa kini sa hunta probinsya (provincial board).
Giklaro ni Gov. Baricuatro nga dili sa hunta probinsya ang iyang kasuko apan kang Soco lang. Gani gihagit pa kini niya ang bise gobernadora nga kung nangandam ba kaha pud ni sa gyera kay siya mismo andam na.
GIhatagan og katin-awan sa opisyal nga ang sugyot nga P211.56-milyones nga compromised agreement tali sa ALQC kay dili “unusual” sanglit dugay na kining ginabuhat sa Kapitolyo aron maresolbar ang nag-ung-ung nga utang sa buhis sa mga kumpanya.
