Gideklarar sa Estados Unidos ang dakong kadaugan human sa hingpit nga pagdugmok sa mga pwersa militar sa Iran sulod lang sa kapin usa ka bulan ubos sa Operation Epic Fury, nga nag-aghat sa bag-ong rehimen sa nasud sa pagpangayo og ceasefire.
Sumala ni US Secretary of War Pete Hegseth, ang kampanya sa US Central Command (CENTCOM) kauban ang Israel malampuson sa paggamit sa wala pa’y 10 porsyento sa gahum sa pakiggubat sa Amerika aron mapildi ang mga pwersa sa Iran, nga giisip nga usa sa pinakadako sa kalibutan.
Atol sa operasyon, gipahibalo sa opisyal nga naguba ang pwersa sa kahanginan ug comprehensive air defense system sa Iran, ug ang ilang navy, lakip ang mga drone aircraft carrier ug mga submarino, hingpit nga nalunod.
Ang ilang programa sa missile gibungkag usab human sa pagguba sa mga pasilidad sa produksiyon ug mga launcher.
