Nagpakatap ang Philippine National Police og anaa sa 106,000 ka mga pulis sa tibuok nasud taliwala sa gipataas nga alerto sa seguridad alang sa Labor Day karong Biyernes, Mayo 1.
Sumala sa tigpamaba sa PNP nga si PBGen. Randulf Tuaño, ang heightened alert gipatuman niadtong Huwebes sa gabii ug magpabilin hangtod sa Sabado isip pagpangandam sa gipaabot nga mga protesta ug pagtapok.
Gikumpirma usab sa PNP nga tulo ka grupo ang mi-aplay og permit sa rally sa Metro Manila, apan wala kini maaprobahan tungod kay ang mga lugar nga gipili wala giila nga freedom parks.
Isip dugang nga seguridad, ang mga yunit sa Civil Disturbance Management giinstruksiyonan nga mogamit og body-worn cameras aron masiguro ang transparency ug husto nga dokumentasyon sa mga protesta.
