Gipahibalo ni U.S. Pres. Donald Trump ang tulo ka adlaw nga ceasefire tali sa Russia ug Ukraine gikan Mayo 9 hangtod Mayo 11 isip kabahin sa pagmarka sa katapusan sa Ikaduhang Gubat sa Kalibutan alang sa Russia.
Sa usa ka post sa Truth Social, giingon ni Trump nga ang ceasefire naglakip sa temporaryong paghunong sa tanang opensiba sa militar ug pagbayloay og 1,000 ka mga binilanggo gikan sa matag nasud.
Giingon usab sa US president nga nagpadayon ang mga diskusyon alang sa temporaryong ceasefire human sa iyang pakighinabi kang Vladimir Putin niadtong Abril 29.
Sa samang higayon, gideklara usab sa Russia ang kaugalingong ceasefire gikan Mayo 8 hangtod Mayo 9 isip kabahin sa pagsaulog sa kadaugan sa Soviet Union batok sa Nazi Germany panahon sa World War II.
Samtang, ang Ukraine misugyot usab og open-ended ceasefire nga nagsugod niadtong Martes ug nanawagan sa Russia nga mosunod niini.
Dugang pa, ang pangunang negosyador sa Ukraine nga si Rustem Umerov miabot sa Miami alang sa serye sa mga meeting uban sa mga representante sa US government.
Bisan pa niini, nagpabilin nga wala magkasinabot ang duha ka panig, ilabi na sa rehiyon sa Donetsk sa sidlakang Ukraine, diin padayon nga nagbinasulay ang Moscow ug Kyiv sa pag-akusar sa usag usa sa paglapas sa mga nangaging ceasefire agreements.
