Gikataho nga mamahimong direktang malambigit sa paghulma sa estratehiya ang bag-ong Supreme Leader sa Iran nga si Mojtaba Khamenei, anak sa namatay nga lider nga si Ali Khamenei alang sa gubat ug sa mga negosasyon aron tapuson ang tensyon sa Estados Unidos.
Sumala sa paniktik sa US, si Mojtaba Khamenei ang nagdumala sa estratehiya sa Iran alang sa mga negosasyon aron tapuson ang gubat nga miulbo human sa mga pag-atake sa US ug Israel.
Bisan tuod si Mojtaba gihulagway nga usa ka “hardliner” nga nagpasidaan batok sa mga base militar sa US, giisip usab siya nga yawe sa pag-aprubar sa bisan unsang “ceasefire proposal” o kasabutan aron mapahunong ang gubat.
Si Mojtaba wala na makita sa publiko sukad nga nakaagom og grabe nga mga kadaot atol sa usa ka pag-atake nga nakapatay sa iyang amahan ug daghang mga top military leader sa dihang miulbo ang gubat sa ulahing bahin sa Pebrero 2026.
Ingon man nga sumala sa mga taho, siya nagpaayo gikan sa iyang mga paso ug nagtrabaho pinaagi sa mga kasaligang courier ug audio conference gikan sa usa ka luwas nga lokasyon.
Bisan tuod siya ang Supreme Leader, adunay mga taho nga ang tinuod nga gahum anaa sa mga kamot sa Islamic Revolutionary Guard Corps (IRGC) ug ang iyang papel mahimong limitado o simboliko sa pipila ka aspeto.
