Gibutyag ni Kabataan Party-list Representative Renee Co, nga usa ka dakong sayop ug dakong inhustisya sa mga Pilipino hilabi na sa mga biktima sa “War on Drugs” ang nahitabong pagka-ikyas ni Senator Ronald “Bato” Dela Rosa atoll sa kagubot nga nahitabo sa sulod sa Senate Building niadtong Miyerkules, Mayo 13, 2026.
Matud ni Co, nga ang imbestigasyon nga gipahigayon sa International Criminal Court mahinungdanon sa panahon nga ang Pilipinas miyembro pa sa Rome Statute, apan naputol kini gumikan sa pagkalas sa Pilipinas panahon sa administrasyong Duterte.
Dugang pa niini nga ang kagamhanan sa Pilipinas, adunay tulobagon nga angayang tumanon og sundon ngadto sa ICC gumikan kay ang pagtago og pagpanalipod sa usa ka pugante, pagpanamastamas kini sa balaod sa Pilipinas nga angayang sundon.
Gihimug-atan ni Co, nga pipilas sa mga opisyal sa Senado ang dapat manubag sa nahitabong pagtakas ni Sen. Bato Dela Rosa, gumikan sa pag-usab sa liderato sa Senado nga gipasiugda sa bag-ong mayoriya.
Lakip na ang paggamit sa sitwasyon aron kini makasibat.
Dugang niini, nga aduna usab tulobagon ang Presidente Ferdinand Marcos Jr. gumikan kay dugay nang adunay panawagan nga mobalik sa Rome Statute, apan wala niini gidungog ang panawagan sa publiko, inay gipanalipdan niini ang mga adunay sa crimes against humanity.
Gibutyag usab ni Co, nga dili dapat kwestiyunon ang pagporma sa Senate isip usa ka Impeachment Court, gumikan kay usa kini ka mandato nga angayang sundon nga nakalatid sa balaod, apan dili niini malikayan ang pagduda sa posibleng pagbasura sa Impeachment batok kang VP Sara Duterte susama sa nakalabayng tuig.
Mensahi niini sa publiko, aron malikayan ang susamang sitwasyon, nga padayon nga manawagan sa mga hingtungdan og makiglambigit sa mga mobilisasyon nga nagdili sa suamanang mga lakang nga gipatuman sa mga opisyal.
