Politiko sa Africa, nagpalubong uban sa iyang paboritong sakyanan

Nagpalubong ang usa ka politiko gikan sa South Africa nga ginganlan og Tshekede Pisto kauban ang iyang paboritong sakyanan nga Mercedes.

Nikatap kini sa social media human matuman ang iyang katapusang pangandoy nga malubong kini nga naglingkod sulod sa iyang paboritong sakyanan.

‎Sumala sa mga taho, dako kaayo og kahulugan alang kang Pisto ang maong sakyanan tungod simbolo kini sa iyang kalampusan ug kinabuhi.

Tungod niini, imbes nga tradisyunal nga lungon, ang mismong awto niini ang gipahimutangan sa iyang patay’ng lawas nga nag-ingkod.

Bisan paman nga daghan ang natingala ug natandog sa talagsaong pamaagi sa iyang paglubong, ang maong panghitabo nagpakita sa iyang gugma ug paghatag og bili isip kabahin sa iyang identidad.