Hugtanong gihimakak ni Lanao Del Sur First District Representative Zia Alonto Adiong, ang mga pasangil sa giingung kanhi 18 marines nga usa siya sa nakadawat og minaleta nga kwarta nga matud pa gihatud mismo sa sa iyang opisina sa House of Representative.
Matud ni Adiong, nga sa sayu pa nga mga hugna wala niya kini hatagi og pagtagad gumikan kay nasayud siya nga puros kini bakak og walay kamatouran ug labaw sa tanan dili opisyal ang gipahigayung pagdungog sa Senate Blue Ribbon Committee kay wala kini opisyal nga records og tukma nga proseso.
Sigon niini nga panahon na nga hatagag pagtagad ang padayung pagpakatap og bakak sa mga 18 marines gumikan kay dili lang personal nga reputasyon ang naguba niini apan lakip na ang reputasyon sa legislative institution.
Hinungdan nga mopasaka og kaso si Rep. Adiong batok sa mga giingung 18 ka kanhi marines aron malikayan ang pagpakatap og bakak nga mga impormasyon nga walay sangputanan, hinungdan nga angayan kining ipasaka sa korte.
Gitataw niini nga usa sa nakita niyang mga motibo nga nalakip siya sa mga gipasanginlan mao ang pagkavocal niini sa isyu batok kang Vice President Sara Duterte, lakip na ang pagpalagpot niini.
Dugang pa niini nga ang mga pasangil sa 18 ex-marines bug-at og seryuso nga angayang hatagan og atensyon gumikan kay dili lang siya ang naapektohan apan lakip na ang iyang mga kaubanan sa House of Representatives.
Gikwestiyon usab ni Adiong ang legitimacy sa grupo sa pagdili sa pag-attend sa opisyal nga hearing sa Senate Blue Ribbon Committee nga adunay lehitmo nga Chairman, nga higayon unta sa ilang pagyagyag sa kamatouran.
Kahinumdoman usa si Rep. Adiong, nga giimbitar sa Senate Blue Ribbon Committee ubos sa pagdumala ni Sen. Erwin Tulfo alang sa pagdungog sa flood control project anomalies nga ipahigayon karong adlawa.
