Nipasidaan ang Cybercrime Investigation and Coordinating Center (CICC) sa publiko batok sa mga peke nga donation drive human sa magnitude 7.8 nga linog nga miigo sa Mindanao upat ka adlaw ang milabay.
Nipahimangno ang opisina nga posible nga adunay mga grupo nga mopahimulos sa mga panginahanglan sa daghang mga apektadong tawo aron maglunsad og mga peke nga donation drive ug magtigom og pondo alang sa ilang kaugalingong interes.
Gipasabot ni CICC Executive Director, Undersecretary Aboy Paraiso nga ang modus operandi sa maong mga grupo mao ang pag-awhag sa mga donor nga mohatag og kwarta imbes nga mga in-kind donations.
Matod niya nga kanunay usab nilang gigamit ang social media aron maabot ang daghang mga donor.
Dugang pa ni Paraiso, walay breakdown o resibo sa mga donasyon nga nakolekta ang ipagawas ug kini mawala lang, kung ang kwarta nga unta idonar sa mga residente nga naapektuhan sa linog nakolekta na.
Busa, gitambagan ni Director Paraiso ang publiko nga ipatuman ang zero trust policy aron malikayan nga mabiktima sa maong mga scammer.
