Gihangop karon sa liboan ka mga football fans ang upat ka kulba-hinam nga duwa sa nakalinyang teams kagahapon, Hunyo 16, dungan sa nagpadayong aksyon sa FIFA World Cup Group stage.
Diin, nagsangka ang pipila ka mga hawd ug higanting team sama sa France vs. Senegal, Iraq vs. Norway, Argentina vs. Algeria, ug Austria vs. Jordan.
Subay niini, eksklusibong nahinabi sa Bombo Radyo Cebu news team si Ivan Marino, ang Bombo International News Correspondent sa Mexico, diin matod niya, matuohon siya nga ang France usa sa pinakalig-on nga team sa FIFA karong tuiga.
Apan, wala usab niya gilimod nga ang mata sa kadaghanan karon, anaa ni Lionel Messi, kinsa mao ang kasagarang mangulo sa Argentina ug nagpalig-on sa defending champion holder, ug nakahimo og kasaysayan pinaagi sa wala pa sukad nga ikaunom nga pag-apil sa FIFA World Cup.
Samtang, gipanglatawan ug galaom usab siya sa performance sa mga football players ilabi na ni Messi, kini gumikan kay matod pa niya, nasayud ang tanan sa kung unsa ang kalidad ni Messi sulod sa football field.
Dugang pa niya, gawas sa kalidad nga gibaton sa maong player, dugang usab nga si Messi, aduna nay taas nga experience sa football hinungdan nga makahatag kini og dako ug bug-at nga hagit sa mga opponent teams.
Apan, wala usab gilimod ni Marino nga naglaom usab siya sa hugyaw nga pasundayag ni Kylian Mbappé sa France, ilabi na nga usa usab siya sa mga fans ni Mbappé tungod sa pagbubo og paningkamot ani nga maaswat ang gilangkoban nga team.
Sa katapusan, gitataw ni Marino nga ang FIFA World Cup dili lang ingun usa ra ka kompetisyon, apan usa usab kini ka labing dako nag representasyon sa kultura, pagpalambo sa panaghiusang relasyon.
Dugang niya, ilabi na gayud sa Mexico, kinsa makabutyag siya nga “one world, one heart” diin nagpasabot nga bisan si kinsa pa nga team ang ginasuportahan, nagpabilin gihapong konektado ang matag usa.
