Nibalik sa Pilipinas si Presidente Ferdinand “Bongbong” Marcos Jr. niadtong Biyernes human sa iyang pag-apil sa ASEAN-Russia Commemorative Summit sa Kazan, Russia.
Niabot ang Presidente sa Villamor Air Base sa Pasay City alas 4:02 sa hapon human sa pagtambong sa regional gathering, diin siya nagsilbing co-chair uban ni Russian President Vladimir Putin.
Sumala sa Malacañang, ang mga diskusyon tali sa duha ka lider nakasentro sa enerhiya ug seguridad sa pagkaon, ingon man mga oportunidad sa pagpalapad sa kooperasyon tali sa Pilipinas ug Russia.
Gidapit usab ni Marcos si Putin sa pagbisita sa nasud sa umaabot nga Nobyembre.
Ang maong working visit ni Marcos nagtumong sa pagpalig-on sa relasyon tali sa Russia ug sa Association of Southeast Asian Nations (ASEAN) ug sa pagpalambo sa kooperasyon sa mga importanteng lugar sama sa enerhiya, kalinaw ug seguridad ug pamatigayon.
Busa, gipaambit ni Marcos ang iyahang pasalamat kang Putin isip co-chair sa ASEAN-Russia Commemorative Summit isip marka usab nga 35-long years sa partnership.
