Usa ka 18 anyos nga Motorista ang namatay human naaksidente sa usa ka hotel sa South Road Properties (SRP), Cebu City, mga alas 4:00 sa kaadlawon niadtong Domingo, Hunyo 21, 2026.
Ang biktima giila nga si Yuri Benjamin Gabut, 18, residente sa Barangay Tabunok, Dakbayan sa Talisa.
Sumala sa imbestigasyon nga gihimo sa Traffic Enforcement Unit sa Cebu City Police Office, ang biktima nagbiyahe paingon sa amihanan subay sa SRP human mi-U-turn duol sa El Corso.
Apan, pag-abot sa atubangan sa hotel, ang biktima gikataho nga nawad-an og kontrol sa iyang motorsiklo, hinungdan sa pagkadulas niini ug pagkabangga niini.
Usa ka guwardiya nga nakasaksi sa insidente miingon nga ang motorsiklo kusog kaayo ang dagan sa wala pa mawad-i og kontrol ang drayber. Nakaangkon siya og grabe nga mga samad sa iyang ulo ug lawas ug gideklarar nga patay na sa mga mirespondeng medical personnel.
