Gipamatud-an sa five-time champion nga Brazil ang ilang dominasyon sa football field human nila gipildi ang Scotland sa usa ka duwa, sa iskor nga 3-0.
Diin ang kadaugan sa Brazil nagselyo sa ilang pwesto sa unang pwesto sa Group C.
Pito ka minuto pa lang sa unang bahin, ang pambato sa Real Madrid nga si Vinícius Júnior nagpakita dayon sa iyang kahanas, human nila gipahimuslan ang sayop sa depensa sa Scotland aron maka-iskor sa unang goal, 1-0.
Sa wala pa matapos ang first-half stoppage time, naka-iskor na usab si Vini Jr. alang sa iyang duha ka goal, hinungdan nga nadugangan sa South American powerhouse ang ilang labaw ngadto sa 2-0.
Pagsulod sa ika-60 nga minuto sa ikaduhang bahin, hingpit nga gipildi sa Brazil ang Tartan Army sa dihang naka-iskor si Matheus Cunha sa ikatulo ug katapusang goal sa duwa, uban sa tabang sa usa ka assist gikan sa kontra nga team.
Uban niining kadaugan, ang Brazil misulod sa Round of 32 isip lider sa Group C. Samtang, ang Scotland adunay 3 puntos ug nagpaabot kung makasulod ba kini isip usa sa pinakamaayong third-placed teams sa nagpadayon nga World Cup.
