Nakaandam ang prosecution panel sa House of Representatives, nga ipresentar ang mga dugang nga testigo sa ikaduhang semana sa Impeachment trial batok kang Vice President Sara Duterte, kini aron mas palig-unon pa ang ika-4 nga reklamo batok sa opisyal.
Matud ni Kabataan Partylist Rep. Renee Co, ang spokesperson sa House Prosecution Panel, nga lakip sa mga posibleng ipatawag mao si Atty. Jeremy Lotoc, ang kanhi National Bureau of Investigation Regional Director sa Bangsamoro Autonomous Region in Muslim Mindanao (BARMM) ug kanhi Chief of the NBI Cybercrime Division, possible usab nga ipatawag si Atty. Zuleika Lopez ang Chief of Staff sa Office of the Vice President.
Gibutyag ni Co, kinahanglang motambong si Atty. Lopez sa mismong pagdungog gumikan kay opotunidad na niini nga depensahan ang nabuhiang pamulong sa Bise Presidente batok ngadto sa Pres. Ferdinand Marcos Jr.
Dugang ni Co, nga gilauman nga makahatag ug konkretong argumento ang pagtestigo ni Atty. Lotoc sa articles of Impeachment gumikan kay siya ang nangulo sa mismong imbestigasyon, hinungdan nga dako kini og tabang nga mapasabot niini sa publiko ang proseso sa pag-imbestigar.
Giklaro usab ni Rep. Co, nga dili lang “other high crimes” nga nakapaubos ang “death threat” apan lakip na niini ang betrayal of public trust, gumikan kay kuwestiyonable ang nahimo niining lakang isip usa sa pinakataas nga opisyal sa Pilipinas.
Gihimug-atan usab niini nga gawas sa pagpanghulga ni VP Duterte, usa sa bout niining mahatagag pagtagad sa Impeachment trial mao ang hisgutanan sa Confidential Funds ug Intelligent Funds gumikan kay naglangkob kini sa kwarta sa katawhan.
