Gihangyo ni Vice President Sara Duterte ang Senado nga abagahon ang gasto sa pagkaon, ilimnon, ug catering services para sa iyang defense team, support staff, ug mga saksi nga miapil sa iyang impeachment trial.
Sa usa ka sulat nga gipetsahan Hulyo 7, 2026 nga gipadala kang Senate President Sherwin Gatchalian, gilatid ni Duterte ang mga arrangement nga gusto niyang ipatuman sa tibuok husay.
Lakip sa iyang mga hangyo mao nga ang tanang pagkaon ug ilimnon para sa iyang kampo isilbi lamang sa gitudlo nga holding room ug gikan sa usa ka accredited caterer sa Office of the Vice President (OVP).
Miingon siya nga kini aron matubag ang mga security concerns ug masiguro ang kaluwasan sa iyang defense team, support staff, ug mga saksi.
Sa susamang higayon, gihangyo usab sa Bise Presidente nga abagahon sa Senado ang tanang may kalabutan nga gasto para sa husay.
Sa katapusan sa iyang sulat, si VP Sara miingon nga naglaum siya nga aprubahan sa Senado ang iyang mga hangyo sa tibuok husay sa impeachment.
