Pormal nga mihangyo ang ika-17 nga Sangguniang Panlalawigan sa Probinsya sa Sugbo ngadto sa cybercrime unit ug sa mga otoridad nga imbestigahan ang mga nagpaluyo sa pagmugna ug mga panghadlok sa publiko pinaagi sa pag post ug false bomb o shooting threat online.
Ang maong hangyo gipaagi sa usa ka resolusyon nga gipangamahanan ni Sixth District Board Member Dason Larenz Lagon atol sa regular session sa Hunta Probinsyal niadtong Lunes Hulyo 20, 2026.
Ang Hunta Probinsyal mihimug-at nga moabot sa 3 ka mga bomb threat ang gitaho sulod lang sa tulo ka semana nga nagmugna ug kabalaka sa publiko.
Dugang niini aduna say mga nihimo ug susamang pagpanghulga sa dakbayan sa Lapu-Lapu diin nailhan kini sa kapulisan.
Gihimug-atan sa maong resolusyon ang Anti-Bomb Joke Law (Presidential Decreee PD No.1727 nga nagdili sa paghimo ug sayop nga impormasyon kalabot sa bomba ug explosives.
