Nagpahigayon og lihok protesta ang mga miyembro sa Bagong Alyansang Makabayan (Bayan) Central Visayas ug lain pang mga progresibong grupo, sa Colon Street sa Cebu City atol sa “Sona sa Katawhan 2026” nga mobilisasyon gahapong adlawa Lunes, Hulyo 27, 2026, nga nagpresentar sa ilang pagtimbang-timbang sa kahimtang subay sa bag-o lang nahuman nga State of the Nation Address ni Presidente Ferdinand Marcos Jr.
Gipasiugda sa rally ang mga isyu sama sa kakabus, ubos nga sweldo, pagsaka sa presyo, korapsyon, pagbaha, ug giingong pagpanglupig sa estado.
Isip kabahin sa protesta, gisunog sa mga demonstrador ang usa ka effigy nga naghulagway kang Presidente Marcos, nga nagsimbolo sa ilang pagsaway sa iyang administrasyon.
Gipakatap usab ang mga personahe gikan sa Cebu City Police Office aron bantayan ang sitwasyon ug mapadayon ang kalinaw ug kahusay atol sa programa nga gipahigayon sa Colon Street sa dili pa ang State of the Nation Address sa Presidente.
Adunay gamay nga komprontasyon ang nahitabo tali sa mga progresibong grupo og sa mga sakop sa kapulisan atol sa gipahigayon nga lihok-protesta sa dan Colon kaganihang buntag, diin nga misuway pag linya atubangan sa mga nagprotesta ang mga kapulisan aron sa pag kontrol sa dagan sa trapiko sa Colon St.
Hinoun, daling mipatigbabaw ang pagkalma sa duha ka habig ug wala ra kini misangpot sa kagubot.
Sa hapig sa Sanlakas Cebu matud ni Teody Navea, iyang gipunting ang hugot nga pagbabag sa pagtukod sa PAX SILICA ngadto sa Central Luzon gumikan kay makadaot kini sa kinaiyahan og wala kini maayung resulta alang sa Pilipinas.
