Nakaangkon og samad ang driver sa usa ka patrol car sa Guindulman Police Station sa Probinsya sa Bohol human nabangga sa poste sa kuryente sa national highway sa Barangay Yanangan, lungsod sa Loay, adlaw nga domingo, Agosto 16, 2026.
Nakadawat og tawag ang Loay Municipal Police Station gikan sa usa ka concerned citizen nga nagpahibalo kanila bahin sa aksidente, ug dali nila kining girespondihan.
Usa ka 35-anyos nga sibilyan nga lalaki ang nagmaneho sa patrol car ug giila sa mga awtoridad ang iyang pasahero nga usa ka master sergeant nga nadestino sa Guindulman Municipal Police Station.
Basi sa imbestigasyon, adunay dala nga mga ebidensya sa droga ang mga nalambigit sa aksidente gumikan gikan sa usa ka buy-bust operation ang patrol car.
Hinuon, wala ra naangol ang passenger police officer, ug gidala sa mga awtoridad ang ebidensya sa droga sa Crime Laboratory.
Matud pa nga paingon ang team sa Tagbilaran City aron magdala og ebidensya sa droga ngadto sa Crime Laboratory Office sa Bohol Police Provincial Office sa dihang nahitabo ang aksidente.
Sumala sa imbestigasyon, nakatulog ang drayber. Nitabok ang patrol car sa pikas lane ug nabangga sa poste sa kuryente daplin sa dalan.
