Nipagawas og opisyal nga pahayag si Fr. Ernald M. Andal, SJ, Presidente sa Ateneo de Zamboanga University (AdZU), bahin sa mga pinakabag-ong kalamboan sa tunghaan ug imbestigasyon human sa usa ka insidente sa ilang komunidad.
Diin sa ikaduhang adlaw sa Psychological First Aid (PFA) sessions, nakasuporta ang AdZU team sa 92 ka mga estudyante, 16 ka ginikanan, ug 105 ka magtutudlo ug kawani. Ingon man nga magpadayon kini nga suporta sa mosunod nga mga adlaw.
Nipadayag usab og pasalamat ang AdZU sa Office of the President pinaagi sa Cabinet Secretary, DILG, ug Commission on Human Rights sa ilang paghatag og suporta.
Ingon man ang pagsalamat usab sa unibersidad sa media ug sa Meta sa pagkuha ug pagtangtang sa kapin 200,000 ka mga peke, makadaot, ug nga impormasyon/content sa social media.
Basi sa taho sa DILG Secretary, wala’y nakitang timailhan sa conspiracy, motibo sa relihiyon, bullying, o pangaabuso gikan sa magtutudlo.
Gikumpirmar usab nga subay sa insakto ug giila nga standards ang safety protocols sa tunghaan, apan padayon gihapon kining gihimong review aron mas mapalambo ang seguridad.
Nihangyo usab si Fr. Andal sa publiko nga respetuhon ang privacy ug dignidad sa pamilya ug likayan ang pagpaambit sa mga litrato o dili kumpirmadong balita nga makadugang sa ilang kasakit.
