Subling misidlak ang 13-anyos nga si Keirsten Fernandez human niya nalangkat ang iyang ikaduhang bulawang medalya sa Asian Open Short Track Speed Skating Trophy sa India.
Si Fernandez ang nanguna sa Junior C Girls’ 777-meter event human niya natala ang oras nga 1:19.989, igo na aron mapildi si Rachel Yi Lin Tan, pambato sa Australia ug uban pang mga kakompetensya.
Niadtong Miyerkules, si Fernandez nakadaog usab sa bulawang medalya sa 1,000-meter event sa parehas nga kategorya sa edad, nga naghatag sa Pilipinas sa unang bulawang medalya sa kasaysayan sa torneyo.
Si Xsandrie Guimba nakadugang usab og medalya alang sa nasud, nga nakadaog og pilak sa senior women’s 1,000-meter event human niya natala ang oras nga 1:52.003.
Samtang, ang otso anyos nga si Zymone Zurbito nakadaog og bronze medal sa Junior F Boys’ 333-meter event.
Sa kinatibuk-an, ang Pilipinas nakadaog og upat ka medalya sa torneyo.
