Gipasalig sa Armed Forces of the Philippines (AFP) nga dili nila biyaan o pasagdan ang BRP Sierra Madre sa Ayungin Shoal.
Matod ni AFP West Philippine Sea spokesperson Ret. Rear Admiral Roy Vincent Trinidad, sayop ang impormasyon nga gipakatap sa Chinese Embassy sa Manila bahin sa presensya sa barko sa maong lugar.
Giakusahan ni Trinidad ang China sa pagsulay nga balihon ang kasaysayan, lakip ang pag-okupar sa Mischief Reef o Panganiban Reef niadtong 1995.
Matod pa niya, ang presensya sa BRP Sierra Madre sa Ayungin Shoal makatarunganon ug nahiuyon sa 2016 Arbitral Tribunal ruling nga misalikway sa mga pag-angkon sa China sa daghang bahin sa South China Sea.
Gipasiugda ni Trinidad nga walay plano ang AFP nga tangtangon ang BRP Sierra Madre sa Ayungin Shoal.
