Daghan pa ang angay pauswagon sa dula ni Alex Eala sa world tennis bisan pa sa paspas nga pag-uswag niini, matud sa iyang coach nga si Joan Bosch.
Sa usa ka interbyu, giingon sa Spanish coach nga halos tanang aspeto sa dula ni Eala mahimo pa niyang mapalambo, lakip na ang iyang serve, return, forehand, backhand, volley, footwork, endurance, ug speed.
Sumala ni Bosch, importante ang padayon nga proseso sa pagkat-on ug pag-uswag alang sa Filipina tennis star.
Iyang gihulagway si Eala isip maayong ehemplo sa usa ka atleta nga kanunay andam nga makat-on ug mouswag.
Gipasiugda usab niya nga dali nga ma-apply ni Eala ang mga bag-ong butang nga iyang nakat-unan sa training.
Matud pa ni Bosch, klaro usab ang mga tumong ni Eala alang sa iyang padayon nga pag-uswag isip usa ka world-class nga magdudula.
Gipaambit usab ni Bosch ang kamahinungdanon sa pagsalig tali kaniya ug kang Eala isip coach ug magdudula.
Matud niya, importante ang lig-on nga relasyon ug pagsinabtanay aron mas epektibong mapalambo ang dula sa atleta.
Samtang, gikatakda nga mobalik si Eala sa US Open, diin makigkompetensya siya sa women’s singles ug mixed doubles kauban si Felix Auger-Aliassime. Moapil usab siya sa Stars of the Open exhibition event.
