Giingon ni US President Donald Trump nga iyang gikonsiderar ang pag-ilis sa ngalan sa Lake Ontario ngadto sa “Lake America,” taliwala sa nagkagrabeng tensyon sa pamatigayon tali sa Estados Unidos ug Canada.
Sa iyang post sa Truth Social, miingon si Trump nga seryoso niyang gikonsiderar ang maong pag-ilis sa ngalan tungod kay, matod niya, dili na sila magdahom nga makignegosyo pa sa Ontario.
Ang Lake Ontario usa sa lima ka Great Lakes sa North America ug nahimutang sa utlanan sa probinsya sa Ontario sa Canada ug estado sa New York sa Estados Unidos.
Sa gipangutana bahin sa komento ni Trump, miingon si Dominic LeBlanc, ministro sa Canada nga responsable sa relasyon sa pamatigayon sa US, nga dili motubag ang gobyerno sa Canada sa mga post sa social media sa administrasyon ni Trump.
Gipasiugda ni LeBlanc nga nakahukom na ang federal government sa Canada nga dili motubag sa mga adlaw-adlaw nga post sa social media ni Trump o sa iyang mga cabinet secretary.
