Gihatagan sa Senate Impeachment Court si Atty. Amando Virgil Ligutan og mubo nga panahon aron ipasabot ang iyang online post sa pagsugod sa Day 19 sa impeachment trial batok kang Vice President Sara Duterte.
Ang maong post kaniadto gisaway sa Defense Team ni VP Sara Duterte.
Gipasabot ni Ligutan nga ang iyang post usa lamang ka regular nga komentaryo bahin sa mga makapahisalaag nga pangutana ug nga ang iyang instinct isip magtutudlo maoy nagtukmod kaniya sa paghimo niini.
Giinsistir sa beteranong litigator nga ang iyang pag-post sa Facebook wala gitumong batok kang bisan kinsang miyembro sa Defense Team.
Miingon usab siya nga dili makatarunganon alang sa Defense Team nga ipataas ang maong isyu sa korte tungod kay wala man siya’y gilapas nga lagda ug wala usab niya hisguti ang merito sa kaso.
Sumala pa ni Ligutan, abogado ug magtutudlo siya, busa magpadayon gihapon ang iyang tinguha sa pagtudlo bisan pa man nga miyembro siya sa House Prosecution Panel.
