Nagpabiling lig-on ang pagsalig sa Pilipinas sa mga global credit rating agencies human gikumpirma sa Rating and Investment Information, Inc. (R&I) ug Moody’s ang investment-grade ratings sa nasud nga adunay stable outlook.
Gipahibalo sa R&I ang pagmintinar sa A− rating sa nasud niadtong Agosto 21, gisundan sa Moody’s niadtong Agosto 24 sa pagkumpirma sa Baa2 rating sa Pilipinas.
Sumala ni Executive Secretary Ralph G. Recto, kining duha ka pagkumpirma usa ka klaro nga boto sa pagsalig sa pagdumala ni Presidente Ferdinand Marcos Jr. ug sa kinatibuk-ang kusog sa ekonomiya sa nasud.
Tungod sa taas nga credit rating, ang interest rates sa mga loan nga gikuha sa gobyerno ug mga pribadong negosyo sa gawas sa nasud mas ubos.
Idirekta sa gobyerno ang mga pundo nga natipig gikan sa mas ubos nga interest payments ngadto sa mga pampublikong pasilidad sama sa mga ospital, eskwelahan, dalan, ug mga programang sosyal para sa katawhan.
